{{{ إيــــه يعنى }}}
لما عليكى قلبى
بيوجعنى
لما أموت فداكى
والمح طيفى فى هواكى
واقول عاشت بلادى
واصرخ بأعلى صوتى
ومفيش حد يسمعنى
إيه يعنى
لما حتى افكر ابوسك
..
الاقى العسكر
بيمنعنى
لما اندبح .. ولا انجرح
ولا كرامتى .. فى
الارض بتتطرح
واصرخ واقول الاهه
تطلع من صدرى
بتخلعنى
إيه يعنى
لما اقع وجموع الناس
تدفعنى
لما تدوس عليا
الرجلين
وتجرى دموع العين
ولا تتقطع الايدين
والاقى نفسى فتات
الناس تجّمعنى
إيه يعنى
لما فى يوم اقول لاء
كرباجك بيلسعنى
السجن علمنى الصبر
علمنى اعيش حر
وأن مت فى يوم يا
مصر
هاموت عليكى من
القهر
ولادك ... وطينك
جيشك ... ونيلك
بحرك ... وشمسك
الكل بيخدعنى
وإيه يعنى
مدام فى الاخر يا
مصر
الصمت ودعنى
كمال ربيع على
19 /12 / 2011
ليست هناك تعليقات:
إرسال تعليق