((( حيران .. وحدانى )))
حيران والحيرة سرقانى
تاخدنى من بر للتانى
والشط خاصم دنيتى
والرمل على طول بكانى
حيران والناس معاندانى
تشرب من عبيرى
وترجع تهجرنى من تانى
حتى عبيرى خلص
والناس مهيش رحمانى
حيران والنجمه مواعدانى
تاخدنى للسما من تانى
خايف من الرجوع
احسن تكون اخرتى
والفرح ينسانى
حيران والورده عشقانى
تحلف بنور العين
والصبر والعاشقين
صحيت انا من النوم
لاقيت نفسى وحدانى
حيران
كمال ربيع على
2/ 10 / 2012
هناك 4 تعليقات:
أكثر من رااااااااااااااائع
تحفه أكثر من رائع مش عارفه اقول ايه بجد جميله اوى
استاذى المتميز جدا اشكرك على مرورك رغم انى لا اعرف من انت ولكن اشكرك كثيرا على مرورك المبدع
شهد الرضاب ... إنه لمن دواعى سرورى ان تكون كلماتى محط اعجابكم .. فقد تزينت كلماتى ومدونتى بوجودك بها تقبلى تحياتى سيدتى المميزة
إرسال تعليق