((( على جدار القلب )))

على جدار القلب .. إبداعات

نقشتُ ملامحها

كتبتُ أنى أهواها

ورسمت حلما جميلا

يحتوينى ويحتويها

بلا نهايات

***

على جدار القلب ..مُسَلًمَات

كانت تتوه عقولنا

وترتاح من الهجر قلوبنا

ويخيم الصمت علينا

لا نسمع شيئا يفرقنا

سوى همس القبلات

وغيرة الموجودات

ونشوة لقاء ضمنا

***

على جدار القلب .. حكايات

تعلمتُ كيف اصنع الذكريات

كيف اغتنم اللحيظات

كيف اروى عطشى منها

حتى تثمر أوراقى

ويكتمل نضج الثمرات

***

على جدار القلب .. نفحات

من بريق الابتسامات

ملئنا الكون فرحة

ونثرنا العبير على الطرقات

وعَبَرنا حدود العشق

حتى بلغنا قمم الغايات

***

على جدار القلب .. شجيرات

غرسنا ازهار الياسمين

وكتبنا قصص العاشقين

وسمعنا ألحان النبضات

***

على جدار القلب .. بَصْمتِها

من ألم الفراق

ولوعة الشوق

ونيران الاشتياق

وحرارة العناق

وتوبة الصالحين

***

على جدار القلب .. سيدتى

تُنّظم الدقَات

تسَبح فى الشرايين

توزع السعادة

وتمحو الاهات

بقلمى / كمال ربيع على

((( زمن الكدابين ))) بقلمى /كمال ربيع على

           

قالو الكدب مالوش رجلين

وفى زماننا الكدب بقى بيطير

بقى له الف جناح والف لسان

وبشر تصدق بالملايين

الكدب بيتعمل له حفلات

ويتنشر له صور فى المجلات

ويتهادوا بيه فى المناسبات

ده حتى الكدب بقى عاده

وبيترفع بيه شعارات

عيش كداب تاكل كباب

عيش كداب تاخد حقك

وبزياده

لكن قول الصدق

يضيع الحق

وتودع السعاده

كلنا رغم انف الصدق

كدابين

ازاى نقول الصدق

اللى كان زمان منجى

إذا كان الكدب حاليا

بيخلينا فنانين

بيخلينا نشطاء ومفكرين

بيخلينا نعيش بكرامه

بعد ما الصدق خلانا متهانين

علمونا ان اللى يقول الصدق

اكيد هايشيل الطين

علمونا نزرع شوك

علشان نحصد ثراء

ونترمى فى احضان الخاطئين

علمونا نكبر بسرعه

وندوس على الضعيف

وما نفكرش غير فى الرغيف

علمونا نكون ذئاب

نكون بعيد عن الوفاء

ولا نعرف طعم الشهامة

ولا حتى معنى الحياء

علمونا علشان نعيش معاهم

لازم نكون زيهم

ماكرين وكدابين

وداعا جبال الصدق

وهلمى يا عواصف الكدب

هنا إناس للكدب عطشانين

ومن الصدق زهقانين

لا عاد تفرق معاهم دنيا ولا دين

عايشين بالكدب

فى زمن الكدابين

كمال ربيع على

26/ 8/ 2014

((( أنثى بأصول قَبَلية )))

كنت بحبَك من زمان

وأنا لسه فى ابتدائية

كنت بشب عليك بهمجية

امسك ايديك واتعلق

وكأنى فى حالة مش طبيعية

حالة عشق ابدية

ولما تبتسم لى

اتوه فى عنيك العسلية

سنين عدت وانا وياك

اكبر وتكبر فى عنيه

الدنيا اتغيرت قوى

والفكر اتغير حواليه

عودِ الاخضر طاب

وجنى الثمار فى النيه

فلاحى روانى بدمه

سقانى حب وحنيه

مطر السما عطرنى

والندى خلانى عربية

نبتت جوايا أنثى

كيان وكينونة مصرية

شخصية متمردة

عنيدة بأصول قبلية

مرت سنين

وأنا هو أنا

نفس الطفله

ونفس الحب

ونفس الفارس اللى خطفنى

 بكلماته الوردية

اصل الحكاية من زمان

حكاية قديمة

لكن تركت فى قلبى

 علامه ابدية

اصبحت لا أرى سواه

فكيف أفكر فى رجل أخر

ولدى جميع صفات الرجال

فى أيامى العصرية

امتلكنى بخجله وجرأته

بنظرته وصرخته

بحكمته وغضبته

امتلكنى بعفته وشقاوته

امتكلنى بكل الصفات الطبيعية

كبرنا واتعلمنا

والحب جوانا لساه

فى طفولته العفوية

كان نفسى أكمل معاه

حكاية  الحب اللى كان

وسحر كوكب الشرق

لما تقول ... كان زمان

والعندليب السواح

لما كان خايف يقول

نبتدى منين الحكاية

كبرنا واتعلمنا

وياريتنا ما اتعلمنا ولا كبرنا

ولا ضاع الحب بينا

العند وَلّد عِند

وافترقنا

لكن الحكاية لسه باقية

شرارة نظرة تولعنا

وغياب لحظة يطفينا

يخلى النار تحت الرماد

بتكوينا

الحب لسه موجود

بس العيب فينا

كمال ربيع على

24/ 8/ 2014

((( لا تتأخرى عنى )))

((( لا تتأخرى عنى )))

يتَملّكنى شعور فى اللاشعور

بأن لا شئ يملُكنى

ولا شئ على وجه الأرض

عن حُبك يـــردَعنى

فمهما طالت المسافات

ومهما زادت العقبات

ومهما كتبوا على جبينكٍ

ممنوعه عنى

فلن يستطيعوا يوماً

أن يمتلكوا جزاء مما امتلكتى

ولن يستطيعوا يوماً

عن هواكِ أن يمنعونى

ولو جعلوا لغات العالم اجمع

تهتف ضدى

أو تحدونى

يتَملّكنى شعور فى اللاشعور

بأنك كـــــلُ فى كــلى

وأنك بعض من تأوهاتى

وأنك أنت الوجع يوم السهاد

وأنت الزاد

والزواد

وأنتِ نعيم الدينا

وأجمل الحوريات

وأنكِ أنتِ تأملاتى

وبصيص النور فى الظلمات

ويوماً عند مماتى

ستكونى أيضاً سكراتى

يتَملّكنى شعور فى اللاشعور

بأنى أعيش الواقع وفق مزاجى

فلا أشتـــهى شيئــاً

إلا وجدته على طرف شفاهى

ولا تمنيتُ شيئاً

إلا طَرَقَ الباب يتمنانى

ولا كتبتُ الشعر مره

إلا أتانى الشعر متألماً

شاكياً نبضى وكلماتى

ينتابه الوجع من وجعى

ويبكى على همساتى

ينتابنى شعور فى اللاشعور

بأنكِ زمن مضى

وزمـــن حاضر

وزمـــن آتى

فلا تخجلى منى

فإنى أنتظركِ من عصور

اكتبُ الشعر قلائدَ

وأنثر الارض عطوراً

قصورى لأجلك تزينت

وعليك كل النساء تثور

فعذرا لا تتأخرى عنى

فأنتِ الماء لصحرائى

وأنتِ النور

كمال ربيع على

9 /8 / 2014

((( دمى لسه احمر )))

((( دمى لسه احمر )))

ساعات احس انى غريب

عايش فى وطن بعيد

البيت هو البيت

والشارع هو الشارع

بس الناس من غير احساس

بتعكر صفو الانفاس

والحزن بقى عادى

والجرح بقى عادى

ونبض القلب عادى

كل شئ حواليا عادى

نفسى الكون يتغير

نظرة الشوق اللى بتحير

ونهر العشق اللى متعكر

ولمحة الحزن اللى بتسهر

وكل شئ جار عليه الظلم

يتحول من الاصفر إلى الاخضر

تعبت من الصبر

وخلاص على المر مش هاصبر

كان نفسى الكون يتغير

وريقى المر يحلو ويتعطر

وجبينى من تجاعيده

يتنصل ويتجرد ويتبخر

وعودى المحنى من همى

ييبقى سيف ومتحضر

عفريتى يهرب منى

علشان بقيت اقوى ومتشطر

نفسى يا ناس الكون يتغير

وحلم زمان وبنت الجيران

وورده فى كتابى

يرجع رحيقها زى زمان

وتفضل فى القلب بتنور

نفسى الكون يتغير

وشمسى الحب ما تغيب

وافرح والسما بتمطر

واعشق ضحكة الحلوه

ولما تشاور عليا

اجرى وخدى يصير احمر

نفسى يا كون تتزين

بالمسك وبالعنبر

ونفسى كمان

اعود إنسان

لا متصعر ولا متكبر

لا ملاك ولا شيطان متنكر

إنسان

ولون الدم لسه احمر

كمال ربيع على

1 /8 / 2014