((( حبيبى
والقمر
)))
عتاب بينى وبين القمر
سألنى ليه تحب غيرى
وانا اللى علمتك السهر
ليه تعشق بشر
وانا اللى نورت حياتك
وسخرت ليك القدر
جاوبت
اصلك عنى بعيد يا قمر
وحبيبى اشوفه بالليل
اشوفه بالنهار
يغازلنى واغازله
والشمس تخجل مننا
لما اقبله قبلة لا تغتفر
انت كمان مش بتفكر
وحبيبى تفكيره خطر
تفكيره حيرنى كتير
خلانى ولهان هيمان
ادوب من حتى النظر
سألنى انا نورت دنيتك
وجعلتك تعشق السهر
ياما شكيت لى كتير
وحدى مسحت دموعك
ومعايا عرفتْ السمر
جاوبت حبيبى
جمل دنيتى
وخلانى اعشق وانتظر
خلانى اعيش الاحساس
وانظم الشعر المختصر
اتنهد القمر وقال
انت بتعشق الخيال
ومهما طال الزمان
حبى انا باقى
وانت حبك محال
ضحكت ضحكة جلجلت
سمعت حبيبتى ضحكتى
قلتلها بمووت انا فى نظرتك
وان طال الزمن بيا
هاكون معاك جنتك
عاتبنى يا قمر عاتبنى
حبيبى هو حبيبى
وانت هاتفضل قمر
كمال ربيع على
28/ 9 / 2012
ليست هناك تعليقات:
إرسال تعليق