آه يا بلــد
فيكـى أنا موجـوع
والحلـــم اللى حلمته
فى مركب صيد بيضيع
حسرة عليك يا وطن
كل اللى فيك مخدوع
بنات زى الــــورد
مقهورة
مدبوحة
مفيش طريق مزروع
شباب ومات فيه الأمل
مش شرط يموت م الجوع
الأمل كان شعاع م نور
والنور فى الوطن مخلوع
يا حسرة عليك يا وطن
كل الضحايا زهــور
كل الصبايا اللى دبلت
جواها الألم معصور
***
قولى إيه يرضيك يا وطن ؟
أموت من الحسرة
ولا أموت من الجوع
***
ياريتنى ما كنت أنا
ولا الطريق مقطوع
وما كنت شربت المر
ولا كنت شوفت بعنيا
خنقة ونفس مصروع
***
إيه يعنى كلمة وطن
لو الأمان منزوع
إيه يعنى كلمة وطن
من غير دفا وشموع
إيه يعنى كلمة وطن
والظلم فيه مشروع
كمال ربيع على
3/ 10/ 2016
