(((( لسه صغيرة
)))
هو انا ليه متحيرة
حياتى كده متغيرة
حاسه حاجه مش طبيعية
بتوه كتير وكأنى غبية
وتطربنى اقل اغنية
اسرح فى شكل الورد
ويحمر من نظرة الخد
وارجع متحيرة
***
دايما اقول لنفسى
انا لسه صغيرة
اشوف ناس من الشوق تدوب
واشوف ناس تعشق الغروب
واشوف كتير منهم مجذوب
واشوف نفسى متحيرة
***
النهارده بس
سمعت دقات قلبى
واتخطف لونى ومش ذنبى
صور كتير تزور خاطرى
تشغلنى
تسهرنى
شايفه كل حاجه حلوه
رغم انى صغيرة
مش عارفه ليه متحيرة
يمكن هو ده الحب
ولا انا لسه صغيره
كمال ربيع على 29/ 8 /2012
إهداء إلى صديقة متحيرة
ليست هناك تعليقات:
إرسال تعليق