((( اتوبيس المظلومين و قطار المجرمين )))
عينى عليك يا ولدى
رحت مع الرايحين
ما رحمك محولجى
ولا قطر المهملين
اتوبيسك كان السبب
ولا ده ذنب المجرمين
عينى عليك يا ولدى
الايدين متقطعين
وهناك جنب الماتور
لاقيت الدم مالى العين
عينى عليك يا ولدى
يا ترى انت فين
ظلموك وانت عايش
وقتلوك المغرضين
داس عليك القطار
ويا المحرومين
عينى عليك يا كبدى
اصرخ لمين ولمين
الدمعة حرقت عيونى
ومنين اجيبك منين
خدوا منى عقلى يا ناس
وهات ابنى يومين
اااااه يا وجع قلبى
يا حلم بات حزين
يا ناس ارحموا ضعفى
وهاتولى نور العين
قطار قطف ورودى
والجانى وهم لعين
كمال ربيع على
17 /11 /2012