(((
قبطان ولا شيطان )))
سرقت ليه حلمنا
دا الحلم كان غلبان
سفينة نوح .. مصرنا
فيها البشر ألوان
واحد مقهور من الزمن
والثانى زمانه هان
سرقت ليه العقول
وكتبت السطور حرمان
دحنا بشر يا أنتَ
قبطان كنت أو قرصان
أرحموا فينا العزيز
وشوفوا مين الجبان ؟
شوفوا مين اللى قتل
ومين اللى سرق
ومين هدد فى كل مكان
مين فينا باع الوطن
ومين زرع أحزان
سفنتنا موجها عالى
من ظلم البشر غضبان
لا راضية ترسى بينا
ولا حتى نعيش فى سلام
قبطان انت ولا ...
فى الجحيم قرصان
اترك زمام الأمور
الشعب ملّ الهوان
لا عمره هيركع تانى
ولا عمره يعيش جبان
الهلب ترك السفينة
تفارق دفا الشطآن
والرمل حالف يمينه
يرجّع اللى كان
لملم جراحك يا وطن
النور قهر الظلام
والسجن اللى خفنا منه
اتقلب على السجان
بكره هترسى السفينة
على بر كله أمان
لا نعرف طريق الخوف
ولا خنقة الكتمان
عاشق ترابك يا وطن
ونفسى أعيش إنسان
تدمع عنيا لحزنك
واثور على الطغيان
بس نفسى اعرف يا بلد
مين قائد الميدان
قبطان أنت ولا ...،
فى الاصل شيطان
كمال ربيع على
8 / 1/ 2014
