((( حاولت أنساك )))

كتمت هوايا فى صدرى

وقلت: مع الوقت الطويل أنساه 

غدا تتلاشى من عينى ملامحه

ويهدأ نبضى .. لرؤياه

وتصبح حكايتنا ذكرى

والبسمة تمحى طريق الأه

واعيش العمر فى سعادة

مدام القلب خلاص ينساه

يعدى اليوم وبعده يوم

ولسه ملامحه فى عيونى

اقول يمكن بقايا هواه

تعدى شهور وراها شهور

وانفاسه رحيق وحياه

اقول يمكن بقايا نداه

يمر العام وراه العام

ولسه بكابر واقول انساه

كيف انسى حنايا الروح

وهو الروح وانا سكناه

وازاى اعيش من غيره

وانا مستنى يوم ألقاه

سامحنى..سامحنى يا قدرى

أنا أسف حاولت أنساك

لكنى رجعت من بدرى

احب الناس وأنا وياك

أحب حياتى لو نكرة  

أحب الأهه لو فى رضاك

سامحنى سامحنى

أنا أسف حاولت أنساك

لكنى فشلت

كمـ ربيع على ــال

25/ 5/ 2014

((( أحبك .. تراك تدرى )))

أحبك وانت لا تدرى

يضيع العمر من يدى

وانت يا عمرى ما تدرى

ترحل  سنينى وايامى

وسحر النبض فى كيانى

وعود اخضر فى أحلامى

واقول يمكن يكون فاهم
ويرجع يملئ احضانى

اتارينى لوحدى بحبه
وهو عايش فى كون تانى

عايش على رحيق وردى
وما يعرف كيف الرحيق جانى

أحبك وانت ما تدرى
والآهه من جوه بركانى

لهيب الشوق اضنانى

وفراقك عنى اعيانى

ولو يوم اقول انسى

الاقى نسيانك شئ تانى

أحبك وانت لا تدرى

يكون الحب إيه تانى

كمــــــ ربيع على ـــــال

12 /5/ 2014

((( تأملات أنثى )))

جلست تتأمل فى عمق

نظراتى ونبض الاكوان

طلبت فى رقة مساعدتى

فى وئد الجـــرح

وزرع الأشـــجان

قالت : أنى سُــكرها

فى قهوة تملئ فنجان

وأنــى ضـحكتها
لعبور بحور الأحزان

***

جلست تتأمل فى صبر

أنشودة كُتبت بحنان

كلمات أولهـا شغف

وآخرها جرس الأوزان

قالت : ما أجمل دقاتك

وربيعك يغزو الشريان

ما أجمل أن تغفوا لحظة

على كتفِ يهوى النسيان

تقطف من زهرى رحيق

وتطعمنى حلو الأزمان

***

جلست تتأمل فى صمت

أشواقى وبعض الهذيان

تتمنى أن ابقى بعينيها

لوحة على أغلى الجدران

تنسـاب فيها اللمسات

وتتراقص فيها الألوان

***

جلست تتأمل حركاتى

وربيع العمر النعسان

وليل بات بلا نجم

يضئ سنين الحرمان

قالت : حلمى أنت بلا شك

لكنك مسلوب الأوطان

مازالت اشواقكَ مستعرة

والحب لديك

كان ياما كان

كمال ربيع على

5 /5/ 2014

((( حُلم يخطفنى )))

((( حُلم يخطفنى )))

ومرت أمامى الذكريات

وجال بخاطرى طيفها

تذكرت الضحكات

ورقتها فى مشيتها

وابداع الالتفاتات

وبراءة نظرتها

ورقة العبارات

جال بخاطرى طيف

هو بكل التفاصيل طيفها

حيث كل شئ تفرغ لنا

وكل الهدوء ضمنا

وكل العالم تلاشى

ولم يعد غير عالمنا

أنا وهى والهوى

فى ظل الاشجار

تبادلنا الأحلام

وسكبنا نبض الاقلام

على صفحات الالهام

لتغرد عصفورة قلبى

بالحب وسحر الاكوان

ما اجمل لون ضحكتها

والحمرة تكسوا وجنتها

وبريق العينين يزينها

وخليط من شعر ذهبى

يتخلل سمرة خصلتها

ما اجمل حقا لمستها

وكأنها ترقص فى شغف

على سحر تلاقى ايدينا

اغلق عينيا وافتحها

وكأن الشوق يداوينا

تغمرنا سعادة لا توصف

والنهر يكتب امانينا

طيف مر بذاكرتى

محفور فى عمق صميمى

لا زلت رغم مرور العمر

اتذكر أيام حنينى

اشتاق لحلم يخطفنى

من عالم ما عاد يحمينى

من غدر زمان يؤلمنى

ومشاعر صارت تكوينى

طيف يمر بذاكرتى

ينعش قلبى ويهدينى

يوقظ شوقى ويحيينى

يجعلنى أبدوا فى نشوة

والعالم ما عاد يعنينى

كمال ربيع على

30/ 4 /2014