((( اصرخ وقول مالك )))

مالك ايه فيك

                ليه الحزن مواليك               

وليه الدمع فى عنيك

وليه كل لما اشوفك

احاول الاقيك ....

مش بلاقيك

يا ترى وحشتك

ولا فاكرنى ناسيك

ولا فاكرنى طيف وعدى

والزمان زى ما اثر فيا

هو كمان اثر فيك

يا ترى هتستنانى

حتى لو الوشوش غابت

وحدود العشق اللى بنا دابت

وكل عيون الحساد نامت

وانا وانت لوحدينا

نقول للزمان هانت

يا ترى مالك

مشتاق اعرف احوالك

ادور فى عيون الناس

اشوف براءة وحنان

واشوف رقة زمان

وحلم عمرى ما نسيته

بس الظلام حالك

يا ترى يا قلبى مالك

كتر الحزن بقى حالك

والندم صار شالك

وانا فيك بقيت شاكك

يا ترى لسه بتحب

ولا ده وجع

                         وانت بتدارى احوالك       

يا قلبى بوح باللى فيك

اصرخ وقول مالك

....................

بقلمى/ كمال ربيع على

((( رفقا أيها النسيان )))

غريب ما يحدث لى

بينما أنا جالس مع نفسى

أحاول طرق أبواب النسيان

فلا أحد يجيب ندائى

أحاول كثيرا ألا أتذكر

فتنتابنى ذكرى أشيائى

مع كل صوت اسمعه

اسمع دقات قلبها

واشتم عبير أنفاسها

فأين النسيان منى

وكيف صار يخدعنى

كل الاشياء من حولى

بها تذكرنى

تغتالنى رغم انفى

احاول النسيان فلا أنسى

اراها بين الورود

وفى خفقات القلوب

وفى اشيائى الصغيرة

اراها بين السطور

وفى تصميمات القصور

وزحمة العبور

ورحلة العشق الممنوع

من وادى الهوى

إلى وادى الجنون

فلا تقدم ولا رجوع

فقط ابتسامه حزينة

تلمع فى آفاق شمس

أرقها السطوع

نعم اراها فى كل الربوع

فى لحن اغنية قديمة

وعبق العطور

ونبض الانفاس

وروعة الحضور

تُرى أين أنت ايها النسيان

لماذا تركتنى

على كل النساء أثور

وبين عيونها

ينتابنى الصمت

فلا أفكر ولا اقول

تدمع عينايا شوقا

كانت ها هنا

تعد لى فنجان القهوة

ترشف بعضا منه

فيتغير طعمه

أذوب فى شريانها

واترنح من خمرة شفاهها

اتشبع من شهد رضابها

واغدوا اسير هواها

اين أنت ايها النسيان ؟

قد فاقت الذكريات نسيانها

وغدوت بلا عقل

فى لحظة وجودها

ولما غابت عنى

علمت انى ميت بدونها

نظراتها كانت لى حياه

وكلماتها كانت عزبة كالمياه

ولمساتها إلهام

ينطق السنة الشعراء

اه منها ومن النسيان

اتفقا على قلبى

فأصابنى الهذيان

واصبحت بلا روح

اتجول فى كل مكان

اعانق الأنفاس

واصاحب الكلمات

اتربع على عرش السكوت

بلا نبضات

عاشق قتله الصمت

وارقه حبُ لا يموت

رفقا بى ايها النسيان

فأنا لا اقوى على الصمود

كمال ربيع على

8 /10 / 2014

((( نظرة مش هنا )))

((( نظرة مش هنا )))

غيرت قلوب المغرمين

شمس بتغرق فى السحاب

والقلب دايب من الغياب

والاهه مكتوبة على الاحباب

وانا وانت جمعنا فراق

بلا اسباب .. صرنا عاشقين

نظرة

والقلب مشتاق للحنين

والعيون سهرانه من الأنين

والنعيم فى قربك

اشتاق اليه من سنين

حتى كلمة بحبك

صدى صوت

من زمان العاشقين

ولحن عدى عليه الزمن

ما بقاش منه غير عود مكسور

ودموع بتعزف من الشجن

على فراق المحبين

عينى عليك يا وطن

محروم حتى من النظرة

جوايا الف سؤال

والإجابة فى كلمة

ومحدش عايز يجاوب

ولا يكمل الجملة

قلبى من ظلم البشر مات

ومعدش فيه نبضه

يدوب بقايا دقات

بين كل لحظة والتانيه

بيها الجسم يتصبر

من كتر الالم ثانيه

بقيت لا حى ولا ميت

بين الاتنين يا قلبى متحير

نظرة تفكرنى بالهوى

ونظرة بيها القلب انكوى

ونظرة رجعتنى مليون سنة

ونظرة نستنى مين انا

وكله بنظرة

والنظرة مش هنا  

كمال ربيع على

7 /10 / 2014