بتسألنى عن الحكايات
بتسألنى وأنا العاشق
وقلبى الحر عمره ما مات
بتسألنى عن الذكرى
وايام كانت زمان حلوه
وصمت سنينى فى الرويات
وحلم جميل ملازمنى
وزهور منقوشة بالقبلات
فى لحظة الوقت ضاع منى
ولسه الحلوه بتسألنى
عن القلب وعن النبضات
ياريت العمر كان يبقى
واعيش المتعه فى الكلمات
هابنى قصورى على الرمله
واغازل الشط بالنسمات
واقول قلبى مازال جنه
مدام العمر لسه ما فات
بتسألنى عن الذكرى
طب هى الذكريات تتعاد
ياريت كنت اعيد ذكرى
واعلم قلبى كيف ينساك
كنت نسيت كمان بكرا
ونسيانى صِبح همسات
همسه تجرى ورا همسة
وانا بتعارك بسبع لغات
لغة تجرى وتحضنى
ولغة تبعد كتير عنى
ولغة تطير وتعشقنى
ولغات فى القلب تقتلنى
وان العاشق وكل ثبات
بتسألنى عن الذكرى
وانا العاشق بلا ذكرى
وعمرى كأنه ساعات
بتجرى ورا النهايات
كمال ربيع على
24/ 6/ 2014
