((( أنـا خــايف )))

((( أنـا خــايف )))

نفسى اضمك يا بلدى

بس خايف من الفراق

خايف من أيادى خفية

وبحور كدب وبلطجية

واجندات مليانه هم

متلوثة بالـدم

من كتر الغم مش عارف

عربية ولا اجنبية

خايف من جيرانى

وابن بلدى

وقعدة العصرية

والتسالى فى المغربية

وخطوط حمرا عنادية

خايف اكون غيرى

وعنيا مغمية

خايف من الضمير يموت

ويندبح فينا السكوت

والاقى الكلمة منسية

واكتب عن جمال بلدى

وما اشفهوش غير نقطة

فى بحور غربية

وخايف اقول بحبك

يرد صدى صوتى

بحبك بحبك بحبكككك

باللفظ مش بالنية

والاقى نفسى حجر

والمشاعر عدوانية

وكل ما اكتب أمل

تجرى الدموع عفوية

اسمع أنين مصر

ابكى على الاغنية

وارسم بشاير سلام

واتوه فى احلام وردية

يدق باب البيت

بصورة همجية

ليه يا بشر ما انتوش بشر

وليه ماشيين عكس القدر

وليه صارت حياتكم ضجر

دى البسمة اجمل دفاع

لو شافها العدو يتقهر

نفسى اضمك يا بلدى

بس بينى وبينك سفر

بينى وبينك عقول فاسدة

وكراسى واشباه بشر

ده حتى احلام البريئة

هربت من كتر السهر

وكيف انام وانا كل وجع

ممنوع عليا اقول آه

والآهه عايزه تصرخ

نفسى اضمك يا بلدى

وابكى على كتفك

بس خايف

أنا خايف

كمال ربيع على

18 /10/  2013

(((خلص الكلام )))

(((خلص الكلام )))

وانتهى كل الفرح

والحلم اصبح عدم

والبعد قتل الغرام

لا عاد ينفع  شجن

ولا حتى ينفع ملام

ولا حتى ينفع عتاب

مع قلب اصبح خراب

كل الحكاية انه

خلص الكلام

صديق باع صديق

فى نص الطريق سابه

لكلاب  تنهش لحمه

وبشر يتسلوا بحكايته

يقولوا كان صديق

وكان اجمل رفيق

وكان نسمة فى طريق

وكان نبض عميق

وكان وكان لكنه.. كان

من الاول كلام

وفى لحظة صمت خلص

واتفجرت الف عين

من دموع الاحترام

يا ترى الثمن كان كام

نظرة ولا ابتسامة

ولا اوهام كدابه

يا خساره

يا الف خساره

على القلوب الخداعه

على الطعنات الغدارة

على حلو الكلام

بكفاية بقى اوهام

كنا صديقين وانتهى

ما فى صداقة ولا انسجام

انتهى عصر الوفاء

لا عاد ينفع ندم

ولا حتى ينفع بكاء

كل الحكاية كلمة وكلمة

وخلاص خلص الكلام

كمال ربيع على

14 / 10 /2013

((( حروف قصيدة )))

((( حروف قصيدة )))

من بعد كل قصيدة

أشعر بألام عميقة

أشعر أنى كنت فى حلم

والأحلام لازالت بعيدة

أشعر بألم فى رأسى

وبرد يجتاح أناملى

وقشعريرة فى صدرى

ونبضات قلبى قليلة

نعم أشعر بأشياء غريبة

من بعد كل قصيدة

تنتابنى حالة من الشجن

وضعف ووهن

وكأنى أعيش فى نفسى

ونفسى تعشق الحقيقة

فلا أتمرد على الكلمات

ولا أهرب من الوقت

ولا أحترف الصمت

وما أنا بشمشون

حتى أراود دليلة

فقط أشعر بحالة فريدة

بعد كل قصيدة

وكأنى أغوص فى الأعماق

أو أطير فوق السحاب

وأعانق النجوم والاشواق

وأغزل من أشعة الشمس ثوباً

ترتديه كل رقيقة

تٌرى هل صدق هذا الأحساس ؟

أم هى تخيلات شاعر

وليست شئ من الحقيقة

أشعر بأنى طفل

بعد كتابة كل قصيدة

أحتاج من يربت على كتفى

أحتاج من يقبلنى

ويرسم الأبتسامة على وجهى

حتى لو كانت الأبتسامة

رسم قلم

أو تسجيلات مقيتة

تنتابنى حالة لا وصف لها

حين أفرغ من دفق مشاعرى

وقتل الكبت بداخلى

وإخراج صرخات مميتة

ربما حالتى ليست بسر

ولكنها بعض الجهر

تظهر فى حروف قصيدة

كمال ربيع على

5 /10 / 2013