((( ضرب الودع )))
عايز أعرف
مين شاغلك ياقمر
طيب مين
علِمك السهر
ولا مين دوّب فيك الحجر
طب حتى قول أنه مطر
أو حتى سراب
على
مرمى البصر
قُولى
مين ؟
خايف تكون فى خطر
وتتوه خطاك
بين البشر
ويقولوا
ضاعت
من غير
خبر
اضرب عليكِ
الوَدع
ويقولوا
جُنْ الجدع
ياريته
ما حب ولا أتوجع
ولا قال
الشعر ولا أنضلع
عينى
عليك يا جدع
سألت كل
شئ عنها
سألت النسيم
والميه
سألت
النجوم معدية
سألت عليها
الكل
حتى عصافير
الشجر
وما فى
عنها خبر
عاشق
بلا معشوقه
سنين
بدور عليها
والكلمة
مشنوقة
مين يا ترى
تقطف
منى الثمر
مين تنادى عليّا
وتوهبنى
حبات المطر
واكون
أنا العود
وتكون
هى الوتر
ويطيب هواها
معايا
ونعيش فوق
القمر
كمال ربيع
على
27/ 11/
2012
هناك تعليق واحد:
وليه يا جدع تضرب عشانى الودع وانا اللى قلبى اتوجع من كتر حبه فيك واهاته تحكيلك وشوقه يشكيلك امتى يا غالى اشوفك واملى عيونى بطيفك واروى حنينى
بلمسه من حضنك الدافى
كلمات جميله بل رائعه شاعرنا الغالى سلمت يداك ودمت لنا مبدعا متالقا فى عالم الحس ومخاطبة القلوب
إرسال تعليق