(((
مصرنا )))
اه يا بلد عليكى الدم اتكتب
دم الثوار والاحرار
مع دم القتلة والاشرار
الكل طهقان من العيشة
والصبر خلاص اتحجب
***
مجروحين ومظلومين
واللقمة متغمسة بالدم
والعين مليانه هم
والحال كده من سنين
***
مجروحين
والصمت طلع من جحره
والصرخة موتت فرحه
يا عينى عليك يا مصر
ولادك غلبانين
مجروحين فى الكرامة
على مين يا ترى الملامه
على الشعب المسلوب الارادة
ولا على الحكام
اللى قهرونا وبزيادة
ولا على المعارضة
والزفة الكدابة
انا مصرى
وبحبها بزيادة
وارفض اكون واجهة
لخدع رنانه
او حتى ايد قاسيه
على نفس تعبانه
كفايه حرام عليكم
دى مصرنا
والدنيا شايفانا
كمال ربيع على
30/ 6 / 2013
ليست هناك تعليقات:
إرسال تعليق