(((
مش عايزينكم )))
كارثة يوم تلاتين ستة
هتلاقى الظالم والمظلوم
والقاتل والمقتول
على تلاتين حتة
فينها قلوبكم يا ولاد أدم
فينها عقولكم صبحت خادم
والناس الغلبانه يا عينى
محشورة بين زفة وكدبة
لا عارفه تنام مستورة
ولا عارفه تريح جتة
غرقانه فى هموم ودموع
شبعانه من كتر الجوع
ابريل وجماعته الستة
ومعارضة وجبهة إنقاذ
واخوان داسو على الناس
وأذان من غير حراس
وكنيسة تضرب أجراس
والفتنة صحيت وخلاص
واللعنة وراكو وراكو
هتقتل كل الانفاس
بشويش هتعزب بشويش
بعد ما بعتم اغلى ما ليا
مصر حبيبة وام الدنيا
حتى ترابها هايجى عليكم
هيخليكم عبرة لغيركم
هايغطيكم وهايدفنكم
اوعوا يخونكم فكر داخلكم
يضحك منك ويضحكم
ويقول انتوا صحيح ثوار
عمركوا شوفتوا كده افلام
اسفين ياريس ...
كتف فى كتف مع الاحرار
متى هتصحوا من الاوهام ؟
وستة ابريل حفنة اشرار
والاخوان مع التيار
واحنا الشعب المصرى
اخدنا قرار
مش عايزينكم
مش عايزينكم
مصر هتفضل غصب عنكم
ام الدنيا
وبرضه هنهتف
مش عايزينكم
مش عايزينكم
كمال ربيع على
20/ 6/ 2013
ليست هناك تعليقات:
إرسال تعليق