(((
المكان هو المكان )))
الكل فى وسط الزحمة
قال وانا مالى
تولع .... تتحرق
نكره بعض نتسرق
طب وانا مالى
مدام انا عايش
خلاص خلينى فى حالى
هافطر زى الناس
واعاشر الوسواس
وانام من غير احساس
ولو يوم قامت الدنيا
برضه هاقول وانا مالى
***
ينفع كده يكون حالى
حاولت كتير ومش قادر
اعيش العيشة مدارى
ومش عارف اكون غيرى
علشان انا هو انا
وده حالى
بسيط اه
لكنى راجل ومش عادى
بعيش الحلم على كيفى
واقوم من النوم اعيش غيره
واقول تفرج
ما انا عايش فى خيرك
وبشرب لسه من نيلك
ومهما يبعدونى عنك
هاقوم برضه ابوس ايديك
لانى عارفك حضن الدفا
وعارفك ام الوفا
وعارفك مهما زعلتى
ومها بعدت ومهما بعدنا
هنجمع فى نفس المكان
ونفس الارض
ونفس النسيم
ونفس الامان
ولادك وانت الام
مش هايفيدنا بعنا ايه
أو بعنا بكام
المهم اننا نرجع
مهما زاد القهر
وسنين الحرمان
وحتى لو قالوا علينا
مالناش كلمة
احنا برضه غصب عنهم
الاصل والعنوان
مصر أمى
والمكان هو
المكان
كمال ربيع على
15 / 6 /2013
ليست هناك تعليقات:
إرسال تعليق