((( أنا إنسان )))
مانيش شمشون ولا
طرزان
ولا عاشق بنات الجان
انا مصرى
انا عربى
انا بحلم اعيش فى
أمان
***
مانيش زلزال وبلا
بركان
ولا عشقكِ هيبقى
طوفان
ولا هيكون
ولا كــان
ولا عمرى هاعيش
ندمان
***
مانيش حاجه بتوجع حد
ولا هِدمه فى يوم
تتشد
ولا رنــة
ولا رساله
ولا اعرف مكان للحقد
***
مانيش عود صبح مكسور
ولا رغبة قتلها فتور
ولا نغمه
ولا رعشة
ولا على الثورة كنت
بثور
***
مانيش سكران
انا جوايا احلى كلام
وارضىِ كلها ريحان
وموتى لو يكون للحب
انا ميت بقالى زمان
***
مانيش متشرد ولا غلبان
أنا جوايا كتير
أوطان
وطن عاشق
وطن حر
ووطن يصرخ بأعلى
صوته
أنا إنسان
أنا إنسان
كمال ربيع على
5/ 12/ 2014
ليست هناك تعليقات:
إرسال تعليق