(((
حكاية طفلة )))
عيد يعدى وبعده ألف عيد
وقلبى عمره ما داق الفرح
ولا عمره عاش سعيد
كلمة تخلينى فى السما عالى
وكلمة تسحب الدم من الوريد
وكلمة تملى قلبى الخالى
وكلمة تحسسنى أنى وحيد
عيد يعدى وبعده ألف عيد
ولسه الدمع متحجر
ونبض القلب متكسر
وصورة طفلة مجروحة
وهى مظلومة
وهى فى التراب مدفونة
مين فيكوا شاف فيها عيد
مين فيكوا شاف نظرتها
وهى بتشاور من بعيد
وهى بتقول ألف آهه
تكسر القلب الحديد
مين فيكوا شاف طفولتها
وهى بتودع الشارع الحزين
وهى تصرخ من وجعها
صرخة ليها الف معنى
صرخة بتكسر ضلوعنا
واحنا زى طوب الارض
لا نسمع ولا بنشوف
ولا حتى نتدارى من الكسوف
نمصمص فى الشفايف
والخوف جوانا خايف
حتى من السجود
من فيكوا قادر على الصمود
مين فيكوا قادر يستمر
والنفس يملها الجحود
والقلب ارقه السكوت
ما عاد يساع لحن عود
ولا عاد يحلم بالدفا
ولا حتى حبه ينفع يسود
كل اللى باقى منى
نبض خرسه
جوه قلب ميت
وحكاية طفله
حلمت بالفرح يوم العيد
وجه العيد وبعد الف عيد
والفرح مجاش
من قريب ولا من
بعيد
كمال ربيع على
30/ 7/ 2014
ليست هناك تعليقات:
إرسال تعليق