(((
المشاعر فى السجون )))
الصمت خيم على الوجود
والدمعه سالت فى السجود
والضحكة مالت زاوية حاده
تكسر فى القلب الصمود
الصمت خيم
والكلام سكن السكوت
والارض نبض جوايا
قرب يموت
ياريتنى شمعة تحترق
بس انور الوجود
وارسم شعاع الأمل
وامحى من الدنيا الجحود
يا ريتنى شئ غير البشر
شئ يحرك الركود
مخلوق من غير غضب
ولا حتى دمعه للفرح
تقتل جوايا البرود
ياريتنى بشر غير البشر
واعود لما الأمل يعود
لكنى تعبت من الصراخ
والصراخ سكن السكون
والجراح حد الجنون
وانا زى ما أنا... لسه بشر
والبشر ما عاد يكون
وسط هالة من الغضب
قلبى انا اصبح حجـر
اصبح يحارب كل بسمه
ويحضن الكره بجنون
عمال ادور على نفسى
اتارينى شئ مالهوش وجود
شئ من بقايا الصراع
والصراع اصبح فنون
اصبح مصير
كل المشاعر
والمشاعر
فى السجون
كمال ربيع عى
4/ 4/ 2014
ليست هناك تعليقات:
إرسال تعليق