((( اليتيم )))

((( اليتيم )))

إياك تفكر إنك لوحدك

عايش بجرحك

كلنا فى الدنيا دى
أبوك أو أمك

كلنا نتمنى قربك

كلنا نحلم معاك

نفرح معاك

نصرخ لوجعك

إياك تفكر إنك لوحدك

يا رمز المحبة

وحلو الكلام

عليك يرفرف حمام السلام

يا من فى جوارك

رسول الأنام

ومسك الختام

إياك تفكر إنك لوحدك

قلوبنا تنبض بس ..

 بنبضك

قلبى يرفرف لما أضمك

ولما بتضحك

ولما بتعلب

قلبى ينزف لما بتدمع

نبضى بيوجع

وجسمى بيخشع

وكل الجوانح

لربى بتركع

إياك تفكر إنك لوحدك

عايش يتيم

كلنا فى الأرض أهلك

يا بحر الحنين

كلنا نتمنى ترضى

فى رضاك أنت وحدك

رضى الرحمن الرحيم

إياك تفكر إنك لوحدك

أحنا فى ليل الشتا دفاك
وفى حر الصيف نداك
أحنا بسمه حلوه
مرسومة بشفاك

أحنا لما  تصرخ اااه
نمووووووووووت فداك
كمال ربيع على

27 / 3 / 2013