(((
الكل باع القضية )))
ما تزعلوش مالواقع
الكل باع القضية
لا عاد عيش ولا كرامة
ولا عدالة اجتماعة
ولا عدالة اجتماعة
ولا حتى شبح مكسور
سموه زمان حرية
ما تزعلوش من الواقع
الكل باع القضية
العاطل اللى جنب بتنا
بقى صاحب مال
وسلطة حزبية
بقى بيتاجر فى البشر
وبيأجر البلطجية
كل يوم تلاقى معاه ناس
انصاف بشر وحرامية
وبقايا صراع اسرى
من زمن القومية العربية
وافعال مشينة
وحواديت جاهلية
ما تزعلوش من الواقع
الكل باع القضية
سيدة الاعمال المصرية
من بعد رعاية أسر اليتامى
ومن بعد مشاريع الغلابة
ومن بعد مساعده المرأة
ونظرات الحنية
بقت يا عينى عليها
بتاجر فى الاثار
والعملة الورقية
ما تزعلوش من الواقع
الكل باع القضية
الناس بتسرق بعض
والحالة عصبية
شباك نافد على شارع
والشارع قافلاه عربية
والعربية صاحبها حرامى
والحرامى سرق الوليه
والوليه صاحبة دكان
والدكان فيه طلبية
والطلبية عايزه حمال
والحمال باع القضية
ما تزعلوش من الواقع
الكل بقى ثورجية
كمال ربيع على
3 /9 /2013
ليست هناك تعليقات:
إرسال تعليق