((( عيشة المجانين
)))
ماليش مزج اكتب حاجه
الجو نكد وعياط
والدولة محتاسه
هنا قتل وصويت
وهناك اصابه و رصاصة
الناس بتجرى شمال
ويمين
نخبة و بلاك وعصابه
ماليش مزاج اكتب حاجه
لا حشيش بينفع
ولا حتى مية فى قزازة
ماليش مزاج يا ناس
ابليس ووشوش وخلاص
الثوار ناموا فى
بيوتهم
والميدان بقى للاوباش
ماليش مزاج اكتب حاجه
فكرتونى بزهر الخشخاش
جبهة انقاذ ثورية
تنفخ فى النار
المطفية
تزرع ديناميت فى
الشعب
والسلطة لساها غبية
اصحو بقى يا مصريين
البلد هتروح للحرامية
قطاع طريق وشبيحه
وملايين مدفوعة اذية
يخرب بيت الثورة يا
ناس
لو كنت هاعيش كده
محتاس
كلمه هاقولها واجرى
على الله
لو وقع مرسى
مصر هتبقى لقمة طرية
شدى حيلك يا الله يا
مصر
دوسى بقوة
بكرة النصر
احنا غلابه وطيبين
مش عايزين غير لقمة
هنية
ونومه حتى لو فى
الطين
مش فارقه معانا
الكرسى لمرسى
ولا الكرسى للشياطين
ماليش مزاج اكتب حاجه
فلتحيا عيشة المجانين
كمال ربيع على
29/ 1/ 2013
ليست هناك تعليقات:
إرسال تعليق